Fontan手術是目前單一心室病人的第三階段（完成期）手術，將上下腔大靜脈直接接到肺動脈，跳過右心室。換句話說，就是將人的心臟（兩心房兩心室）變成魚的心臟（一心房一心室）。
Francis Fontan (1929年7月2日–2018年1月14日) 是法國的心臟外科醫師，對先天性心臟病很有興趣。在1964到1966年間致力於研究單一心室的手術，在狗身上做動物實驗，將上下腔大靜脈接到肺動脈，可惜完全失敗，術後幾小時內即死亡。但他仍然認為這個理論正確。
1968年，心臟科教授Pierre Broustet找上他，有個患有三尖瓣閉鎖的青少女，希望能藉由手術改善病況。Fontan於是對他進行了（在動物實驗完全失敗的）Fontan手術，沒想到竟然活下來了！後續幾年又有幾個三尖瓣閉鎖的病患接受Fontan手術治療也成功。1971年，他將數個案例成果發表在Thorax學術期刊上，引起廣大迴響：人竟然可以在沒有右心室的狀況下存活！
以現在嚴格的臨床試驗標準來看，可以進行這樣的手術根本匪夷所思！在動物實驗完全失敗就在人類身上進行手術是不可能的事，萬一失敗大概會被罵草菅人命（並且被抓去關）吧。
冷智識：第一例Fontan手術
Líng-tì-sik: tē-it-lē Fontan tshiú-su̍t
Fontan手術是目前單一 心室病人的第三階段（完成期）手術，共頂下大靜脈直接接到肺動脈，跳過正心室。換一句話講，就是共人的心臟（兩心房兩心室）變做魚仔的心臟（一心房一心室）。
Fontan tshiú-su̍t sī bo̍k-tsîng tan-it sim-sik pēnn-lâng ê tē-sann kai-tuānn (uân-sîng-kî) tshiú-su̍t, kā tíng-/ē-tuā-tsīng-me̍h ti̍t-tsiap tsiap-kàu hì-tōng-me̍h, thiàu-kuè tsiànn-sim-sik. Uānn tsi̍t-kù-uē kóng, tiō-sī kā lâng ê sim-tsōng (nn̄g sim-pâng nn̄g sim-sik) piàn-tsò hî-á ê sim-tsōng (tsi̍t sim-pâng tsi̍t sim-sik).
Francis Fontan（1929年7月2號-2018年1月14號）是法國的心臟外科醫師，對先天性心臟病足有興趣。對1964到1966年間致力於研究單一心室的手術，佇狗仔的身軀頂做動物實驗，共頂下大靜脈接到肺動脈，可惜完全失敗，術後幾點鐘就死亡。但是伊猶原認為這个理論正確。
Francis Fontan (1929 nî 7 gue̍h 2 hō - 2018 nî 1 gue̍h 14 hō) sī huat-kok ê sim-tsōng guā-kho i-su, tuì sian-thian-sìng sim-tsōng-pēnn tsok ū hìng-tshù. Uì 1964 kàu 1966 nî kan tì-li̍k î gián-kiù tan-it sim-sik ê tshiú-su̍t, tī káu-á ê sin-khu-tíng tsò tōng-bu̍t si̍t-giām, kā tíng-/ē-tuā-tsīng-me̍h tsiap kàu hì-tōng-me̍h, khó-sioh uân-tsuân sit-pāi, su̍t-āu kuí tiám-tsing tiō sí-bông. Tān-sī i iû-guân jīn-uî tsit-ê lí-lūn tsìng-khak.
1968年，心臟科教授Pierre Broustet揣著伊，有一个得著三尖瓣閉鎖的少年查某，希望透過手術改善病況。Fontan就按呢對伊進行（佇動物實驗完全失敗的）Fontan手術，無想著竟然活落來啊！紲後幾年閣有幾个三尖瓣閉鎖的病患接受Fontan手術嘛成功。1971年，伊共幾若案例成果發表佇Thorax學術期刊，引起廣大迴響：人竟然會當佇無正心室的狀況存活！
1968 nî, sim-tsōng-kho kàu-siū Pierre Broustet tshuē-tio̍h i, ū tsi̍t-ê tit-tio̍h sann-tsiam-bān pì-só ê siàu-liân tsa-bóo, hi-bāng thàu-kuè tshiú-su̍t kái-siān pēnn-hóng. Fontan tsiū-án-ne tuì i tsìn-hîng (tī tōng-bu̍t si̍t-giām uân-tsuân sit-pāi ê) Fontan tshiú-su̍t, bô-siūnn-tio̍h kìng-jiân ua̍h-lo̍h-lâi--ah! Suà-āu kuí-nî koh-ū kuí-ê sann-tsiam-bān pì-só ê pēnn-huān tsiap-siū Fontan tsiú-su̍t mā sîng-kong. 1971 nî, i kā kuí-nā àn-lē sîng-kó huat-pió tī Thorax ha̍k-su̍t kî-khan, ín-khí kóng-tāi huê-hiáng: lâng kìng-jiân ē-tàng tī bô tsiànn-sim-sik ê tsōng-hóng tsûn-ua̍h!
以這馬嚴格的臨床試驗標準來看，會當進行這款的手術根本不可思議！佇動物實驗完全失敗著佇人類身軀頂進行手術是無可能的代誌，萬一失敗大概會予罵草菅人命（閣予掠去關）。
Í tsit-má giâm-keh ê lîm-tshn̂g tshì-giām piau-tsún lâi-khuànn, ē-tàng tsìn-hîng tsit-khuán ê tshiú-su̍t kin-pún put-khó-su-gī! Tī tōng-bu̍t si̍t-giām uân-tsuân sit-pāi tio̍h tī jîn-luī sin-khu-tíng tsìn-hîng tshiú-su̍t sī bô-khó-lîng ê tāi-tsì, bān-it sit-pāi tāi-kài ē hōo mē tsháu-kuann-jîn-bīng (koh hōo lia̍h-khì-kuainn).
 |
| 模擬畫面，非當事人／狗 |
參考資料：
Tsham-khó tsu-liāu:
Watts, G. (2018). Francis Fontan. The Lancet, 391(10124), 932.
沒有留言:
張貼留言