鐵齒佮跟綴：預防射的啟示

 　　源自中國武漢[1]的新型冠狀病毒肺炎[2]（有人叫伊武漢肺炎、新冠肺炎，英語coronavirus disease 2019簡稱COVID-19，意思就是2019年發生的冠狀病毒疾病），自前年底對中國湠開[3]了後，大火拄著洘旱[4]，燒遍全世界。

[1]武漢bú-hàn [2]新型冠狀病毒肺炎sin-hîng-kuan-tsōng-pēnn-to̍k-hì-iām [3]湠開thuànn--khui [4]洘旱khó-huānn

　　源自中國武漢的新型冠狀病毒肺炎（有人叫它武漢肺炎、新冠肺炎，英語coronavirus disease 2019簡稱COVID-19，意思就是2019年發生的冠狀病毒疾病），從前年底從中國傳開之後，大火遇到乾旱，燒遍全世界。

　　一年以後，有幾若種預防射[1]（疫苗[2]）發明出來，大部份——除了中國出產的——避免[3]蹛院佮重症[4]的效果攏袂䆀。台灣因為複雜的國際關係，誠無簡單佇兩個月進前有一款預防射入來矣（英國Oxford大學佮AstraZeneca公司合作的，簡稱AZ預防射），少少30萬劑[5]提供予高危險的醫護人員注射。想袂到，竟然無啥人欲注！為著驚拍損（一罐注10个），感控人員一个一个拜託，講甲規喙攏泡也是無彩工。猶毋過，這禮拜病毒對北部突破封鎖，出現不明病例。注射門診煞袂輸菜市仔抑是週年慶[6]的百貨公司，欲搶猶搶無。

[1]預防射ī-hông-siā [2]疫苗i̍k-biâu [3]避免pī-bián [4]重症tiōng-tsìng [5]劑tse [6]週年慶tsiu-nî-khìng

　　一年以後，有幾種預防針（疫苗）發明出來，大部份——除了中國出產的——避免住院和重症的效果都不錯。台灣因為複雜的國際關係，很不簡單在兩個月之前有一種疫苗進來了（英國Oxford大學和AstraZeneca公司合作的，簡稱AZ預防射），少少30萬劑提供給高危險的醫護人員注射。沒想到，竟然沒什麼人要打！為了怕浪費（一罐打10個），感控人員一個一個拜託，講到滿嘴口水也是白費工夫。不過，這禮拜病毒從北部突破封鎖，出現不明病例。疫苗門診竟然像菜市場或是週年慶的百貨公司，要搶還搶不到。

　　媒體佇AZ預防射入來的時陣，一直咧唱衰[1]講生血角[2]的機率有偌懸，講買著的預防射品質䆀。逐家嘛綴咧信，感覺彼陣無本土疫情，想欲等其他的預防射。結果病毒傷gâu旋[3]，無咧等人。

[1]唱衰tshiàng-sue [2]血角hueh-kak [3]旋suan

　　媒體在AZ疫苗進來的時候，一直在批評長血栓的機率有多高，說買到的疫苗品質爛。大家也就這樣相信，感覺那陣子沒有本土疫情，想要等其他疫苗。結果病毒太會跑，沒有等人。

　　佇歐洲[1]，注AZ預防射生血角的機率是百萬分之六。就算講無注預防射，發生率嘛有逐年千分之一到二。注預防射並無比背景[1]較懸。亞洲人生血角的機率大約是西方人的十分之一。而且，若得著武漢肺炎，死亡率是百分之三，生腦靜脈[2]血角的機率是注AZ預防射的十倍。

[1]歐洲au-tsiu [2]背景puē-kíng [3]靜脈tsīng-me̍h

　　在歐洲，打AZ疫苗長血栓的機率是百萬分之六。就算沒打疫苗，發生率也有每年千分之一到二。打疫苗並沒有比背景更高。亞洲人長血栓的機率大約是西方人的十分之一。而且，若得到武漢肺炎，死亡率是百分之三，長腦靜脈血栓的機率是打AZ疫苗的十倍。

　　舊年底的流感預防射，本底開放50歲以上就會當注公費的。拄開始注的時陣，政府猶驚會傷早用了，緊改做60歲以上。無疑悟[1]，發生一个「疑似[2]」預防射的副作用，予媒體報出來以後，煞無人欲注矣。到今年初猶賰足濟攏無銷。

[1]無疑悟bô-gî-ngōo/gōo [2]疑似gî-sū

　　去年底的流感預防針，本來開放50歲以上就可以打公費的。剛開始打的時候，政府還怕會太早用完，趕快改成60歲以上。沒想到，發生一個「疑似」疫苗的副作用，被媒體報出來以後，竟然無人要打了。到今年初還剩很多都銷不出去。

　　啟示[1]就是：人的想法永遠毋是理性的，普遍共「鐵齒、跟綴[2]」兩項攏濫[3]咧。「鐵齒」：喙罨[4]一時仔無掛無要緊啦，袂遮衰啦。細漢囡仔毋願意坐安全座椅無要緊啦，開無偌遠就到矣。「跟綴」：逐家攏煩惱預防射的副作用，我嘛無想欲注。逐家攏想欲注，我嘛愛緊去注。逐家攏去大賣場搶物資[5]，我嘛欲去。

[1]啟示khé-sī [2]跟綴kin-tuè [3]濫lām [4]喙罨tshuì-am [5]物資bu̍t-tsu

　　啟示就是：人的想法永遠不是理性的，普遍把「鐵齒、跟風」兩項都混雜在一起。「鐵齒」：口罩一時沒戴沒關係啦，不會這麼倒楣啦。小孩不願意坐安全座椅沒關係啦，開沒多遠就到了。「跟風」：大家都擔心疫苗的副作用，我也不想去打。大家都想要打，我也要趕快去打。大家都去大賣場搶物資，我也想去。

國際無拍囡仔日

　　四月三十號是國際無拍[1]囡仔日。有人聽著就講「曷[2]無前一工先拍拍咧」、「千萬毋通予囡仔知影這个日子」、「好佳哉干焦一工爾爾[3]」。當然這攏是講耍笑。

[1]拍phah [2]曷a̍h [3]爾爾niā-niā

　　四月三十號是國際不打小孩日。有人聽到就說「啊不然前一天先打」、「千萬不可以讓小孩知道這個日子」、「還好只有一天而已」。當然這些都是說笑。

　　認真講，我完全同意欲教囡仔袂當用拍的。我到今仔毋捌[1]拍過囡仔，我本人囡仔時陣嘛毋捌予爸母拍過。以個人的經驗[2]提供[3]幾項原則[4]予逐家做參考：

[1]捌bat [2]經驗king-giām [3]提供thê-kiong [4]原則guân-tsik

　　認真說，我完全同意要教小孩不能用打得。我到現在沒有打過小孩，我本人兒童時期也沒被爸媽打過。以個人的經驗提供幾項原則給大家參考：

1. 以身作則[1]：若是爸母規工咧掰[2]手機仔，翻頭[3]喝[4]囡仔袂使閣看平板[5]電腦，按呢絕對無效。我若佇厝裡顧囡仔，絕對共手機仔囥甲遠遠遠。除非有啥物要緊的代誌愛聯絡，無就袂共開開[6]。若無愛囡仔食四秀仔[7]，大人嘛袂使（佇in面頭前）食。
2. 堅定[8]：要求囡仔做伊毋願意做的代誌，愛比伊較堅定。有幾若擺查某囝𨑨迌物仔[9]烏白擲佇塗跤，抑是耍了無收，我叫伊愛抾起來、收起來，上頭伊毋願就是毋願，我絕對袂妥協[10]，毋免歹聲嗽，但是毋管是二十分鐘抑是三十分鐘，我一定會念到伊去做。有做的時陣嘛愛共伊呵咾，予伊感覺足歡喜。一站仔以後，伊就家己講這𨑨迌物仔愛收，彼嘛愛收，無收猶袂使。
3. 原則清楚：足濟囡仔攏無愛乖乖仔食飯，那食那耍，大人佇後壁逐[11]，拜託伊食飯。這絕對袂佇阮厝裡發生。自囡仔四五個月開始，食物件（牛奶以外）就是愛坐佇椅仔頂，若落來就無物件食，欲食就愛坐倒轉去。若是伊講食飽無欲食當然嘛袂勉強伊。
4. 正向[12]講話：若是干焦講袂使按怎，囡仔猶無啥了解伊佗位做毋著，後回應該按怎做。佇咧講in做毋著的時陣，嘛愛講會使按怎做。舉例來講，講袂使佇椅仔頂跳，嘛愛講佇佗位才會當跳。物件袂使用擲的，應該是愛按怎輕輕仔好禮仔囥。
5. 控制[13]情緒[14]：囡仔做毋著代誌，若是伊知影大人受氣的道理會失禮矣，就莫閣氣怫怫[15]。上久隔工嘛愛心平氣和[16]，毋好逐工咧算舊數[17]。 

[1]以身作則í-sin-tsok-tsik [2]掰pué [3]翻頭huan-thâu [4]喝huah [5]平板pênn-pán [6]開開khui--khui [7]四秀仔sì-siù-á [8]堅定kian-tīng [9]𨑨迌物仔tshit-thô-mih-á [10]妥協thò-hia̍p [11]逐jiok [12]正向tsiànn-hiòng [13]控制khòng-tsè [14]情緒tsîng-sū [15]氣怫怫khì-phut-phut [16]心平氣和sim-pîng-khì-hô [17]算舊數sǹg kū-siàu

1. 以身作則：若是爸媽每天在滑手機，轉頭喊小孩不可以再看平板電腦，這樣絕對無效。我如果在家裡顧小孩，絕對把手機放得非常遠。除非有什麼緊急的事情要聯絡，不然絕對不會開啟，如果不要小孩吃零食，大人也不可以（在他們面前）吃。
2. 堅定：要求小孩做他不願意做的事情，要比他更堅定。有幾次女兒玩具隨便丟在地上，或是玩過沒收，我叫她撿起來、收起來，剛開始她不願意就是不願意，我絕對不妥協，不用口氣很差，但是不管二十分鐘或三十分鐘，我一定念到他去做。有做到的時候也要褒獎他，讓他覺得很開心。一陣子以後，他就自己說這個玩具也要收，那個也要收，沒收還不行。
3. 原則清楚：很多小孩都不乖乖吃飯，一邊吃一邊玩，大人在後面追，拜託他吃飯，這絕對不會在我們家發生。自從小孩四五個月開始，吃東西（除了牛奶外）都要坐在椅子上，如果下來就沒東西吃，想吃就要坐回去。如果她說吃飽了不想吃當然也不勉強。
4. 正向講話：如果只說不能怎樣，小孩可能還不了解他什麼地方做錯，下次應該要怎麼做。在說他們什麼地方做錯的同時，也要說可以怎麼做。舉例來說，說不能在椅子上跳，也要說可以在哪裡跳。東西不能用丟的，應該要怎樣輕輕地放。
5. 控制情緒：小孩做錯事情，如果他知道大人生氣的原因道歉了，就不要再氣呼呼了。最久隔天也要心平氣和，不要每天都在翻舊帳。

　　拍囡仔干焦會製造驚惶[1]，毋是有效果的教育。以後囡仔大漢精神問題會較濟，後一代嘛會重複[2]仝款的暴力[3]。希望咱的囡仔攏是佇充滿[4]愛（佮母語）的環境[5]大漢。

[1]驚惶kiann-hiânn [2]重複tiông-ho̍k [3]暴力pō/po̍k-li̍k [4]充滿tshiong-buán [5]環境khuân-kíng

　　打小孩只會製造恐懼，不是有效果的教育。以後小孩長大精神問題會比較多，下一代也會重複一樣的暴力。希望我們的小孩都是在充滿愛（和母語）的環境長大。

預防注射的簿仔

　　每一个囡仔攏有一本足重要的簿仔[1]，華語叫做《兒童[2]健康手冊[3]》，內底記錄出世的資料、身懸[4]體重頭圍[5]的變化，閣較重要的是注預防射[6]的記錄。規本簿仔的內容，攏囥佇國健署[7]的網路[8]頂懸，線頂[9]就會用下載[10]落來。這个名佇台語念起來有小寡仔礙虐[11]，我先大主大意[12]共伊號做《囡仔健康簿仔》。

[1]簿仔phōo-á [2]兒童jî-tông [3]手冊tshiú-tsheh [4]身懸sin-kuân [5]頭圍thâu-uî [6]注預防射tsù ī-hông-siā [7]國健署kok-kiān-sú [8]網路bāng-lōo [9]線頂suànn-tíng [10]下載hā-tsài [11]礙虐gāi-gio̍h [12]大主大意tuā-tsú-tuā-ì

　　每一個小孩都有一本很重要的本子，華語叫做《兒童健康手冊》，裡面紀錄出生的資料、身高體重頭圍的變化，更重要的是預防注射的紀錄。整本本子的內容，都放在國健署的網路上，線上就可以下載下來。這個名字在台語念起來有一點怪，我先自作主張把它叫作《囡仔健康簿仔》。

國健署網站

華語版 https://www.hpa.gov.tw/Pages/EBook.aspx?nodeid=1139

其他語言 https://www.hpa.gov.tw/Pages/TopicList.aspx?nodeid=1140

　　若是點入去就會感覺足「趣味」。其他語言內底，毋但[1]英語，連泰語[2]、柬埔寨語[3]、印尼語[4]、越南語[5]攏有（為著毋捌華語的新住民）。顛倒是同齊[6]列入[7]國家語言的台語、客語、原住民語，竟然低人一等，啥攏無。

[1]毋但m̄-nā [2]泰語thài-gí [3]柬埔寨kán-poo-tsē [4]印尼語ìn-nî-gí [5]越南語ua̍t-lâm-gí [6]同齊tâng-tsê [7]列入lia̍t-ji̍p

　　如果點進去就會感覺很「有趣」。其他語言裡面，不只有英語，連泰語、柬埔寨語、印尼語、越南語都有（為了不會華語的新住民）。反倒是一起列入國家語言的台語、客語、原住民語，竟然低人一等，什麼都沒有。

　　兩年前，我捌寫電子批予署長，希望in會當出本土語言版。彼陣，in的回覆[1]是按呢（翻做台語）：「林醫師你好：你寫予本署署長的電子批，本署誠重視[2]，感謝你對囡仔健康的關心佮囡仔健康簿仔內容的肯定[3]，有關[4]你提出可能有民間兒科醫護人員會當鬥翻譯本土語言（台語、客語、原住民語）的囡仔健康簿仔，考慮著部份預防射名稱[5]抑是醫療專業用詞較僫[6]翻譯做本土語言，為避免部份家長認知[7]誤解[8]，請你提供會當協助[9]翻譯本土語言的醫護人員名單抑是相關單位，本署將另行徵詢[10]兒科醫學會意見佮收集相關資料以後，錄案研處[11]。」

[1]回覆huê-ho̍k [2]重視tiōng-sī [3]肯定khíng-tīng [4]有關iú-kuan [5]名稱bîng-tshing [6]僫oh [7]認知jīn-ti [8]誤解gōo-kái [9]協助hia̍p-tsōo [10]徵詢tin-sûn [11]錄案研處lo̍k àn gián tshú

　　兩年前，我有寫電子信給署長，希望他們可以出本土語言板。那時候，他們的回覆是這樣（翻作台語）：「林醫生您好：您致本署署長信箱電子之郵件，本署非常重視，感謝您對兒童健康的關心及對兒童健康手冊內容的肯定，有關您所提或有民間兒科醫護人員可協助翻譯本土語言（台語、客語、原住民語）之兒童健康手冊，考量部分疫苗名稱或醫療專業用詞恐不易完整翻譯為本土語言，為避免部分家長認知誤解，惠請您提供可協助翻譯本土語言之醫護人員名單或相關單位，本署將另行徵詢兒科醫學會意見及收集相關資料後，錄案研處。」

　　我照伊批後壁徛名[1]的電話敲過去。負責人問我敢知影有啥人抑是佗位會當鬥相共[2]。我講台語我會使，其他語我就毋捌。伊講按呢喔，原住民語有十幾个，毋知影欲去佗位揣人。尾仔講彼陣簿仔欲出新版矣，改版的時陣若是有需要會閣共我聯絡。

[1]徛名khiā-miâ [2]鬥相共tàu-sann-kāng

　　我照他信後面署名的電話打過去。負責人問我是否知道有誰或是哪裡可以幫忙。我說台語我可以，其他語言我就不知道了。他說這樣喔，原住民語有十幾個，不知道去哪裡找人。最後說那時候手冊將要出新版了，改版的時候如果有需要會再跟我聯絡。

　　當然一如預期[1]，紲落[2]就無影無跡。揣著人敢有遐爾困難，干焦[3]無想欲做爾。今仔日想著這層代誌，規氣[4]家己共簿仔內底注射彼部份改做台語版的。

[1]預期ī-kî [2]紲落suà-lo̍h [3]干焦kan-na [4]規氣kui-khì

　　當然一如預期，之後就沒消息了。找到人哪有這麼困難，只是不想做而已。今天想到這件事情，乾脆自己把手冊裡預防注射那部分改成台語版的。

頂頭的PDF檔案佇遮下載

　　預防射有分兩種：死的佮活的。死的是干焦病原[1]的一部份，嘛有可能是共細菌病毒刣[2]死以後，成做預防射。活的是共細菌抑是病毒經過減毒處理當做預防射。一般活的佮活的兩種預防射兩針之間愛隔上少28工，死的就無要求。

[1]病原pēnn-guân [2]刣thâi

　　疫苗有兩種：死的和活的。死的是只有病原的一部份，也有可能是把細菌病毒殺死之後，做成疫苗。活的是把細菌或是病毒經過減毒處理當作疫苗。一般活的和活的兩種疫苗兩針之間要間隔至少28天，死的就沒有要求。

憂頭結面的苦先生

 　　第一擺拄著苦先生，是我猶佇總院做研究醫師訓練小兒心臟科的時陣。伊佇雲林成人的心臟科發現心房中央有一个足大的破空，轉過來台北予我的老師王教授治療。

　　第一次遇到許先生，是我還在總院當研究醫師訓練小兒心臟科的時候。他在雲林成人的心臟科發現心房中央有一個很大的破洞，轉過來台北給我的老師王教授治療。

　　做心導管的前一工，我照例對病房共伊叫來檢查心臟超音波，斟酌[1]共彼空的形狀、所在、四箍圍仔[2]的結構攏看予詳細。黃昏[3]的討論會愛共老師報告。除了這，閣看伊入院抽血的結果。

[1]斟酌tsim-tsiok [2]四箍圍仔sì-khoo-uî-á [3]黃昏hông-hun

　　做心導管的前一天，我照例從病房叫他來檢查心臟超音波，仔細把那個洞的形狀、位置、四周圍的結構都看清楚。黃昏的討論會要向老師報告。除了這些，也看他入院抽血的結果。

　　「苦先生，你血紅素[1]傷低呢！莫怪你有淡薄仔喘。按呢明仔載手術進前應該愛注血喔。」

[1]血紅素hueh-âng-sòo

　　「許先生，你血紅素太低喔！難怪你有點喘。這樣明天手術之前應該要輸血喔。」

　　伊佇幾若年前因為傷大箍[1]，有開刀共大部份的胃攏切掉，欠血應該是佮這有關係。一寡仔維生素[2]無法度對胃吸收，所致[3]製造血的原料鐵質欠缺[4]，血紅素才做袂出來。小問伊彼陣開刀的情形，伊的興頭就來矣。

[1]大箍tuā-khoo [2]維生素uî-sing-sòo [3]所致sóo-tì [4]欠缺khiàm-khuat

　　他在幾年前因為太胖，開刀切掉胃的大部分，貧血應該和這有關係。有一些維生素無法從胃吸收，所以造成製造血的原料鐵質欠缺，血紅素才做不出來。稍微問他那陣子開刀的情形，他的興致就來了。

　　「我佇雲林是一个李醫師共我開的啦。伊人真好，看起來緣投閣斯文，患者足濟，這馬已經轉來台北矣。恁少年醫師就愛佮伊仝款，患者嘛才會濟。」

　　「我在雲林是一位李醫師幫我開的啦。他人很好，看起來英俊又斯文，病患很多，現在已經回來台北了。你們年輕醫師就要跟他一樣，病患才會多。」

　　「我拄好今年中訓練結束嘛會去雲林呢。」

　　「我正好今年中訓練結束也會去雲林呢。」

　　「按呢喔，我看你的名。」伊越頭過來共我醫師袍的名瞭[1]一下。

[1]瞭lió

　　「這樣喔，我看你的名字」他轉頭過來瞄一眼我的醫師袍。

　　隔工手術前，佇心導管室，我問伊昨昏[1]暗敢好睏？

[1]昨昏tsa-hng/tsa̋ng

　　隔天手術前，在心導管室，我問他昨天晚上睡得好嗎？

　　「注血了我感覺從來無遮爾爽快過，精神攏轉來矣。」

　　「書寫之後我感覺從來沒有這麼爽快過，精神都回來了。」

　　問伊敢會煩惱？

　　問他會擔心嗎？

　　「我是袂驚死啦，但是我足驚疼。恁針是偌大枝？敢會足恐怖？」

 　　「我是不會怕死啦，但是我很怕痛。你們針是多大枝？會不會很恐怖？」

　　敢袂傷譀[1]？雖然已經欲五十歲矣，伊講話就是按呢，予人一下聽著，毋知影是袂共伊安搭[2]、呵咾[3]，抑是欲反白睚[4]。無定著，二十年前伊是gâu詼[5]姼仔[6]的飄撇[7]少年兄。過兩工心導管做了就順利出院矣。

[1]譀hàm [2]安搭an-tah [3]呵咾o-ló [4]反白睚píng pe̍h-kâinn [5]詼khue [6]姼仔tshit-á [7]飄撇phiau-phiat

　　會不會太誇張？雖然已經快五十歲了，他講話就是這樣，讓人一聽到，不知道應該安慰他、誇獎他、還是要翻白眼。該不會，二十年前他是追女朋友開女生玩笑很厲害的少年。過兩天心導管做好就順利出院了。

　　去雲林做主治醫師以後，佇門診閣拄著伊來追蹤。心臟明明就好勢好勢，但是伊一直講人siān-siān無爽快、無活力、會喘。上頭的確發現伊欠血的毛病又閣來矣，共伊注血，嘛開鐵劑佮維生素補充。

　　去雲林當主治醫師以後，在門診又遇到他來追蹤。心臟明明就很好，但是他一直說人很累不舒服、沒活力、會喘。最初的確發現他貧血的毛病又來了，讓他輸血，也開鐵劑和維生素補充。

　　後來抽血攏無欠血矣，毋過伊感覺效果無啥好。逐擺轉來門診攏是憂頭結面[1]，問我會當閣注血無？我講抽血無看著欠血就袂當注，伊番佮強欲冤起來。等伊較冷靜落來，我才了解in厝裡最近有幾个序大人當咧破病，足需要人共照顧。翁仔某兩人無閒刺刺[2]，操煩佮家己嘛欲著病矣。

[1]憂頭結面iu-thâu-kat-bīn [2]無閒刺刺bô-îng-tshì-tshì

　　之後抽血就都沒有貧血了，不過他感覺效果不怎麼好。每次回來門診都是苦瓜臉，問我可以再輸血嗎？我說抽血沒看到貧血就不能輸，他不講理到差點吵起來。等他比較冷靜了，我才了解他們家裡最近有幾個長輩正在生病，非常需要人照顧。夫妻兩人非常忙碌，煩惱到自己也要生病了。

　　我治心臟病無問題，治心理病就無法度。再三[1]共伊吩咐[2]心臟佮欠血的代誌，閣建議若真正問題足嚴重就愛去揣精神科醫師諮詢[3]。約伊如期[4]半年以後轉來做超音波追蹤。

[1]再三tsài-sann [2]吩咐huan-hù [3]諮詢tsu-sûn [4]如期jû-kî

　　我治療心臟病沒有問題，治療心理疾病就沒辦法了。再三向他叮嚀心臟和貧血的事情。又建議如果真的問題很嚴重就要去找精神科醫師諮詢。約他照例半年以後回來接受超音波追蹤。

　　半年以後拄著伊。欸，本來小寡大箍哪會瘦落來矣，精神猶袂䆀。做了超音波，伊共我講：「我本來足鬱卒的，想講我心臟無好，出門用全身軀的氣力去走，走走咧應該就會死去。想袂到，一直走一直走，愈走愈遠，突然間感覺按呢袂䆀，就定定去運動。規身人就瘦落來嘛較快活[1]矣。我這馬有法度走半馬[2]喔。」

[1]快活khuìnn-ua̍h [2]半馬puànn-má

　　半年以後遇到他。欸，本來有點胖怎麼會瘦下來了，精神還不錯。做完超音波，他跟我說：「我本來非常鬱卒，想說我心臟不好，出門用全身的力氣跑步，跑一跑應該就會死掉。想不到，一直跑一直跑，愈跑愈遠，突然間感覺這樣不錯，就一直去運動。整個人就這樣瘦下來也比較舒服了。我現在有辦法跑半馬喔。」

　　後來伊就無閣轉來我的門診矣。

七百幾克的紅嬰仔

 　　救護車送來一个早產[1]的查某紅嬰仔[2]來做加護病房的厝跤[3]，距離夠月[4]猶有四個外月，細隻甲。伊的阿母有身24禮拜，佇厝裡感覺腹肚疼，緊傱[5]去婦產科診所。診所無法度處理，隨閣叫救護車共伊送過來。無疑悟[6]，原仔[7]袂赴[8]，猶袂到病院囡仔就雄雄生佇車頂。一个極度[9]早產的嬰仔就按呢規路幌[10]咧幌咧遊覽[11]雲林半點鐘才到病院。

[1]早產tsá-sán [2]嬰仔enn-á [3]厝跤tshù-kha [4]夠月kàu-gue̍h [5]傱tsông [6]無疑悟bô-gî-ngōo [7]原仔uân-á [8]赴hù [9]極度ki̍k-tōo [10]幌hàinn [11]遊覽iû-lám

　　救護車送來一個早產的女嬰來加護病房當房客，距離足月還有四個多月，很小隻。他媽媽懷孕24週，在家裡感覺肚子痛，趕緊衝到婦產科診所。診所沒辦法處理，立刻再叫救護車送他過來。沒想到，仍然趕不及，還沒到醫院小孩就突然生在車上。一個極度早產的嬰兒就這樣一路晃啊晃啊遊覽雲林半個小時才到醫院。

　　護理師[1]共伊磅[2]體重，干焦[3]七百外克[4]。阮遮規氣[5]共伊號一个偏名[6]「七的（tshit--ê）」。伊的人生上頭，就拄著大風大湧[7]。因為肺部發育[8]猶未完全，有插管治療一站仔[9]。一禮拜大左右腸仔發炎[10]破去，腹肚脹甲規个烏趖趖[11]膨獅獅[12]，本來攏準備好勢予伊轉院去開刀破腹[13]。想袂到，抗生素[14]干焦注兩三工，家己就好去矣。了後就一切順利，沓沓仔[15]食奶大漢。逐家la天[16]的時陣咧笑講，路邊的圓仔花，家己知影環境䆀[17]，顛倒較巴結[18]。

[1]護理師hōo-lí-su [2]磅pōng [3]干焦kan-na [4]克khik [5]規氣kui-khì [6]偏名phian-miâ [7]湧íng [8]發育huat-io̍k [9]一站仔tsi̍t-tsām-á [10]發炎huat-iām [11]烏趖趖oo-sô-sô [12]膨獅獅phòng-sai-sai [13]破腹phuà-pak [14]抗生素khòng-sing-sòo [15]沓沓仔ta̍uh-ta̍uh-á [16]la-thian [17]䆀bái [18]巴結pa-kiat

　　護理師量他的體重，才七百多克。我們這裡乾脆給他取一個綽號「小七」。他的人生最初，就遇到大風大浪。因為肺部發育還不完全，有插管治療一陣子。一個禮拜大左右腸子發炎破掉，肚子脹地整個很黑很撐，本來都準備好讓她轉院去開刀剖腹。沒想到，抗生素才打兩三天，自己就好起來了。之後就一切順利，慢慢吃奶長大。大家聊天的時候在笑說，路旁的千日紅，自己知道環境不好，反而比較堅強。

　　比身體的毛病閣較予人煩惱[1]的，是伊的家庭。爸母攏足少年嘛無結婚，阿母自出院了就消失去矣。見擺[2]囡仔有狀況[3]欲揣伊，敲電話定定袂通。總算久久仔來病院開會，少年阿爸規場頭犁犁[4]咧掰[5]手機仔，阿母毋知是聽有抑是聽無，阿公坐佇邊仔看起來足無奈何。In表達想欲予人收養[6]這个查某囝。

[1]煩惱huân-ló [2]見擺kiàn-pái [3]狀況tsōng-hóng [4]犁犁lê-lê [5]掰pué [6]收養siu-ióng

　　比身體的問題還讓人煩惱的，是他的家庭。爸媽都很年輕也沒結婚，媽媽從出院之後就消失了。每次小孩有狀況要找他，打電話常常不通。總算過很久來到醫院開會，年輕的爸爸整場頭低低在滑手機，媽媽不知道是有聽懂還是沒聽懂，阿公坐在旁邊看起來非常無奈。他們表達想要讓人收養這個女孩。

　　早產兒的發展[1]較慢，出院以後，猶愛定期追蹤[2]看門診，不止仔麻煩。經過社工的安排，送去新北市的寄養[3]家庭。有一擺我去總院，佇超音波[4]室外口搪[5]著伊坐奶母車[6]來做檢查，看起來好勢好勢，飼甲肨奶[7]肨奶。紲落[8]就無伊的消息。

[1]發展huat-tián [2]追蹤tui-tsong [3]寄養kì-ióng [4]超音波tshiau-im-pho [5]搪tn̄g [6]奶母車ni-bú-tshia [7]肨奶hàng-ling [8]紲落suà-lo̍h

　　早產兒的發展比較慢，出院以後，還要定期追蹤看門診，非常麻煩。經過社工的安排，送去新北市的寄養家庭。有一次我去總院，在超音波室外面遇到他坐嬰兒推車來做檢查，看起來很好，養得有點嬰兒肥。之後就沒他的消息。

　　差不多兩冬以後，我雄雄佇門診的掛號名單看著伊的名。本底想講是菜市仔名嘛無啥稀罕[1]，毋閣伊的年歲拄好。護理師叫著伊的號碼，行入來的是三个阿啄仔[2]𤆬[3]兩个細漢查某囡仔。其中一个用華語共我解說[4]，這對翁仔某是對荷蘭[5]來的，兩个囡仔是in的契[6]查某囝，其中一个就是我進前的早產病人七的，另外一个較大漢的嘛是對台灣收養過去的。七的驚生份[7]，看起來有一點仔閉思[8]，已經會曉行路佮講話。養爸母講，in收養七的，和伊做伙蹛荷蘭生活一陣矣。這逝[9]刁工[10]𤆬伊轉來台灣，是想欲搜揣[11]記錄伊嬰仔時期的故事，予伊未來有一工問著出世的所在會當講予伊聽。

[1]稀罕hi-hán [2]阿啄仔a-tok-á [3]𤆬tshuā [4]解說kái-sueh [5]荷蘭hô-lân [6]契khè [7]生份tshenn-hūn [8]閉思pì-sù [9]逝tsuā [10]刁工thiau-kang [11]搜揣tshiau-tshuē

　　差不多兩年以後，我忽然在門診的掛號名單看到他的名字。本來想說這是菜市場名不怎麼稀奇，不過他的年紀正好。護理師叫到他的號碼，走進來的是三個西方外國人帶兩個小女孩。其中一個用華語向我解釋，這對夫妻是從荷蘭來的，兩個小孩是他們的養女，其中一個就是我之前的早產病人小七，另外一個年紀比較大的也是從台灣收養過去的。小七很怕生，看起來有一點害羞，已經會走路和講話。養父母說，他們收養小七，和他一起住在荷蘭生活已經有一陣子了。這次特別帶他會來台灣，是想要尋找記錄他嬰兒時期的故事，讓他未來有一天問到出生的地方可以說給他聽。

　　In的心意予人足感動，除了親身解說，我閣敲[1]電話去新生兒[2]加護病房安排in去佮護理師見面，因為護理師才是照顧伊上久、了解伊上深的人。In嘛有攢[3]一寡仔[4]過鹹水來的食食[5]送予阮，包括荷蘭上出名的格仔脆餅[6]（stroopwafel），猶有足「特殊[7]」口味的甘草[8]糖、花椒[9]糖，試過以後逐家攏叫毋敢[10]。

[1]敲khà [2]新生兒sin-sing-jî [3]攢tshuân [4]一寡仔tsi̍t-kuá-á [5]食食tsia̍h-si̍t [6]格仔脆餅keh-á-tshè-piánn [7]特殊ti̍k-sû [8]甘草kam-tshó [9]花椒hue-tsio [10]毋敢m̄ kánn

　　他們的心意讓人很感動，除了親自解說，我也打電話到新生兒加護病房安排他們去跟護理師見面，因為護理師才是照顧他最久、了解他最深的人。他們也有帶一些過海來的小吃送給我們，包括荷蘭最有名的鬆餅（威化餅），還有很「特殊」口味的甘草糖、花椒糖，試過以後大家都不敢再吃了。

心肌炎

一工透早，過暝值班拄結束，我寬寬仔行去樓跤的利便店買早頓。手裡捾一罐冰牛奶茶，佇櫃台排隊結數。突然間，手機仔鈃矣。 　　一天清早，過夜值班剛結束，我慢慢走到樓下的便利商店買早餐。手裡拿一罐冰奶茶，在櫃台排隊結帳。突然間，手機響了。	暝 mê 值班 ti̍t-pan 寬寬仔 khuann-khuann-á 利便店 lī-piān-tiàm 早頓 tsá-tǹg 捾 kuānn 結數 kiat-siàu 鈃 giang
「林醫師，阮遮急診啦。今仔日早起敢嘛是你？」 　　「林醫師，我這裡急診啦。今天早上還是你嗎？」	急診 kip-tsín
雖然值班拄結束，這工下早仔的確是我負責兒科急診的會診。 　　雖然值班剛結束，這天早上的確是我負責兒科急診的會診。	下早仔 e-tsái-á 的確 tik-khak 負責 hū-tsik 兒科 jî-kho 會診 huē-tsín
「拄才119敲來，講有一个13歲的小妹OHCA。五分鐘以後會到。」 　　「剛才119打來，說有一個13歲的小妹OHCA。五分鐘以後會到。」	拄才 tú-tsiah 119 it-it-kiú
OHCA (out of hospital cardiac arrest) 就是佇病院外心臟跳定去的意思。古早叫做 DOA (die on arrival) 到院前死亡。 　　OHCA (out of hospital cardiac arrest) 就是在醫院外心跳停止的意思。很早以期叫做 DOA (die on arrival) 到院前死亡。	定 tiānn
阿娘喂啊！電話掛斷了我緊用衝的，到樓頂的辦公室共物件囥落來。喝咻病房的兒科醫師緊同齊來鬥跤手。 　　天啊！電話掛斷以後我趕緊用衝的，到樓上的辦公室把東西放下來。呼喊病房的兒科醫師趕快一起來幫忙。	阿娘喂 a-niâ-uê 囥 khǹg 喝咻 huah-hiu 同齊 tâng-tsê 鬥跤手 tàu-kha-tshiú
無三分鐘阮就到位矣，急診的護理師已經共急救的物件款予齊全。救護車到矣，緊急救護員共擔架床捒入來，自動揤胸機卡答卡答卡答的聲維持脆弱的性命。一个醫師去共家屬問是按怎發生的。病人進前無慢性病，昨昏開始人虛礪礪，無活力，規工攏䖙佇眠床。今仔日早起伊講感覺胸坎仔實實，叫一聲，就昏去毋知人矣。 　　不到三分鐘我們就到了，急診的護理師已經把急救的東西準備齊全。救護車到了，緊急救護員把擔架床推進來，自動壓胸機喀答喀答的聲音維持脆弱的生命。一個醫師去問家屬是怎麼發生的。病人之前沒有慢性病，昨天開始人很虛弱，沒活力，整天都躺在床上。今天早上他說感覺胸悶，大叫一聲，就昏過去沒感覺了。	齊全 tsê-tsuân 擔架床 tam-kà-tshn̂g 捒 sak 揤 tshi̍h 胸 hing 卡答 khah-tah 維持 uî-tshî 脆弱 tshuì-jio̍k 昨昏 tsa-hng, tsa̋ng 虛礪礪 hi-lè-lè 䖙 the 胸坎仔 hing-khám-á 實實 tsa̍t-tsa̍t
瞭一下瞳孔（目孔），猶略略仔有反應，予手電的光照著會勼。這是一个好現象，表示急救的品質袂䆀，腦猶未死去。逐家輪流跪佇眠床頂揤胸坎，一人兩分鐘，大力共心臟內底的血送去頭殼。仝時陣，有人插肺管內管，有人佇大靜脈插軟管仔，有人注射強心藥仔，有人記錄兼計時。閬換手的縫，我共超音波探頭鬥起去，胸坎佮腹肚內無積水、出血，猶毋過心臟功能真䆀，倒心室干焦後壁彼面會微微仔振動。誠實有可能是心肌炎。 　　瞄一眼瞳孔，仍然稍微有反應，手電筒的光照到會收縮。這是一個好現象，表示急救的品質不差，腦還沒死掉。大家輪流跪在床上壓胸，一人兩分鐘，用力把心臟裡面的血送到腦袋。同時間，有人插氣管內管，有人在大靜脈插軟管，有人注射強心藥物，有人記錄兼計時。趁換手的時間，我把超音波探頭放上去，胸部和腹腔裡沒有積水、出血，不過心臟功能很爛，左心室只有後壁那面會稍微抖動。真的很有可能是心肌炎。	瞭 lió 瞳孔 tông-khóng 目孔 ba̍k-kháng 略略仔 lio̍h-lio̍h-á 勼 kiu 現象 hiān-siōng 䆀 bái 跪 kuī8 肺管內管 hì-kńg-lāi-kóng 閬 làng 縫 phāng 積水 tsik-tsuí 微微仔 bî-bî-á 振動 tín-tāng 心肌炎 sim-ki-iām
心臟的肉發炎就是心肌炎，通常原因是病毒感染。若是發炎傷嚴重，心臟就會跳袂振動，造成休克。 　　心臟的肉發炎就是心肌炎，通常原因是病毒感染。如果發炎太嚴重，心臟就會跳不動，造成休克。	發炎 huat-iām 病毒 pēnn-to̍k 感染 kám-jiám 嚴重 giâm-tiōng 休克 hiu-khik
一分鐘一分鐘過去矣，猶原無心跳恢復的影跡。有揤胸坎仔的時陣，人會小可仔有反應，但是一个放手，原仔無脈搏。按呢是欲如何是好？阮決定請出ECMO大神。 　　一分鐘一分鐘過去了，仍然沒有心跳恢復的樣子。有壓胸的時候，人會有一點反應，但是一放手，仍然沒有脈搏。這樣該如何是好？我們決定請出ECMO大神。	影跡 iánn-jiah 小可仔 sió-khuá-á 原仔 uân-á 脈搏 me̍h-phok 如何 jû-hô 大神 tāi-sîn
ECMO (extracorporeal membrane oxygenation) 全名是體外膜氧合器，主體結構是一个phòng-phù佮一个氧合器，會當輔助心肺功能。若是欲做伙支持心臟佮肺臟，phòng-phù共血對大靜脈抽出來，氧合器予二氧化碳佮酸素交換，清氣的血閣對大動脈注入去。若是單獨支持肺部，phòng-phù對大靜脈共血抽出來，氧合器交換了，血就對另外一條大靜脈注轉去。 　　ECMO (extracorporeal membrane oxygenation) 全名是體外膜氧合器，主體結構是一個幫浦和一個氧合器，可以輔助心肺功能。如果要一起支持心臟和肺臟，幫浦把血從大靜脈抽出來，氧合器讓二氧化碳和氧氣交換，乾淨的血再從大動脈打進去。如果單獨支持肺部，幫浦從大靜脈把血抽出來，氧合器交換之後，血就從另外一條大靜脈打回去。	膜 mo̍oh 氧合 ióng-ha̍p 結構 kiat-kòo 輔助 hú-tsōo
心臟外科醫師若像救世大俠一般降臨急診，戴頭燈攑電刀。護理師規碗消毒水潑落去，青色的布隨共下半身軀崁咧。胸坎仔遮猶閣繼續咧揤咧揤咧。外科醫師共兩條粗管仔插入去骱邊的股動脈佮股靜脈，ECMO機器開始紡，慢慢仔共速度提懸到一分鐘2500輾。就佇這个時陣，雄雄心電圖有變化，摸頷頸仔竟然有脈搏矣。越頭看著病床頂小妹的目屎津落來。 　　心臟外科醫師就像是救世大俠一般降臨急診，戴頭燈拿電刀。護理師整碗消毒水潑下去，綠色的布立刻把下半身蓋住。胸部這邊仍然在壓啊壓啊。外科醫師把兩條粗管子插到鼠蹊部的股動脈和股靜脈，ECMO機器開始運轉，慢慢把速度提升到每分鐘2500轉。就在這個時候，忽然心電圖有變化，摸頸部竟然有脈搏了。回頭看病床上的小妹眼淚流下來。	大俠 tuā-kiap 降臨 kàng-lîm 戴 tì 攑 gia̍h 潑 phuat 崁 khàm 骱邊 kái-pinn 股 kóo 紡 pháng 輾 liàn 頷頸 ām-kún 越頭 ua̍t-thâu 津 tin
我行出去急救室簡單共家屬解說：「鬥ECMO以後，伊的心跳暫時有恢復。但是急救的時間真久，對腦恐怕有傷害，會先去加護病房繼續治療。」 　　我走出急救室簡單向家屬解釋：「裝ECMO之後，他的心跳暫時有恢復。但是急救的時間很久，對腦恐怕有傷害，會先去加護病房繼續治療。」	恐怕 khióng-phà 傷害 siong-hāi
小妹的阿爸共我的手掠牢咧，若流目屎若講：「醫師，拜託你！」彼支手，有千斤重。 　　小妹的爸爸把我的手抓緊，一邊流眼淚一邊講：「醫師，拜託你！」那隻手，有千斤重。	掠 lia̍h 牢 tiâu 千斤 tshian-kin
一大陣人的隊伍共病人佮機器捒入去加護病房。為著驚腦欠血的時間傷久，阮決定欲開始低溫治療，用冰水毯仔共全身軀包起來，體溫降落來到34度。這會當比論是動物佇生冷的寒天睏冬，予腦歇睏，袂受著身軀發炎的訊息攪擾。向望按呢做未來的腦損傷會較輕。 　　一大群人的隊伍把病人和機器推入加護病房。為了怕腦缺血的時間太久，我們決定開始低溫治療，用冰水毯把全身包起來，體溫降到34度。這可以比喻成動物在寒冷的冬天冬眠，讓腦休息，不受到身體發炎的訊息干擾。希望這樣做未來的腦損傷會比較輕。	隊伍 tuī-ngóo 毯仔 thán-á 生冷 tshenn-líng 睏冬 khùn-tang 歇睏 hioh-khùn 向望 ǹg-bāng 損傷 sún-siong
兩工後開始慢慢仔回溫，閣看超音波，無較縒。除了心臟袂振動，倒心室內底閣開始咧生血角。這是一个足䆀的現象。血會堅去，是因為心室無力，主動脈瓣袂開開，血就一直積佇心室內底。若是有一工內底的血角雄雄飛出去，百面會造成中風。若是欲繼續拚落去，一定愛閣插一條管共心室內底的積血抽出來。 　　兩天以後開始慢慢回溫，再看超音波，沒有比較好。除了心臟跳不動，左心室裡面開始長血塊。這是一個非常壞的現象。血會凝固，是因為心室沒力，主動脈瓣沒打開，血就一直積在心室裡面。如果有一天裡面的血塊忽然飛出去，一定會造成中風。如果想要繼續拚下去，一定要再插一條管子把心室裡面的積血抽出來。	無較縒 bô-khah-tsua̍h 血角 hueh-kak 堅 kian 瓣 bān 開開 khui--khui 百面 pah-bīn
猶毋過，閣較䆀的是，做神經檢查發現，伊的瞳孔對光無反應。用棉仔枝擽伊的角膜，伊嘛袂𥍉目。幌伊的頭殼，目睭仁若像一仙尪仔仝款綴頭振動，遮的攏是腦幹失去功能的症頭。電腦斷層影像是足嚴重的腦欠血和腦水腫。照按呢看起來絕對是無可能閣清醒矣。 　　不過，更壞的是，做神經檢查發現，他的瞳孔對光沒反應。用棉枝搔他的角膜，他也不會眨眼。搖它的頭，眼球就像一隻玩偶一樣跟著頭移動，這些都是腦幹失去功能的症狀。電腦斷層影像是很嚴重的腦缺血和腦水腫。照這樣看起來絕對沒有可能再醒過來了。	神經 sîn-king 擽 ngiau 角膜 kak-mo̍oh 𥍉 nih 幌 hàinn 尪仔 ang-á 綴 tuè 腦幹 náu-kàn 電腦斷層 tiān-náu-tuān-tsân 影像 iánn-siōng 清醒 tshing-tshénn
我照實共小妹檢查的結果向爸母解說，盡量壓抑心中的情緒。「這馬所有的治療已經用甲盡磅矣，雖然接ECMO會繼續維持伊的心跳，但是因為腦的傷害傷嚴重，伊是無可能閣醒起來矣。猶有機會的時陣，咱愛拚，但是這馬干焦會增加伊的痛苦，這應該毋是恁想欲看著的。」伊阿爸目箍紅紅，握我的手，目屎直直流。恬一站仔，喉滇講袂出聲。「感謝你。你已經救伊一擺矣。」 　　我照實把小妹檢查的結果向爸媽解釋，儘量壓抑心中的情緒。「現在已經用盡所有的治療了，雖然接著ECMO會繼續維持他的心跳，但是因為腦的傷害太嚴重，他不可能再醒過來了。還機會的時候，我們要拚，但是現在只會增加他的痛苦，這應該不是你們想看到的。」他爸爸眼眶泛紅，握著我的手，眼淚一直流。安靜一陣子，哽咽說不出生。「謝謝妳。你已經救他一次了。」	壓抑 ah-ik 情緒 tsîng-sū 盡磅 tsīn-pōng 目箍 ba̍k-khoo 握 ak 一站仔 tsi̍t-tsām-á 喉滇 âu-tīnn
隔工的會客時間，阿爸阿母𤆬讀小學的小弟來眠床邊仔，共阿姊講再會、放心、順行。雖然心肝內是偌毋甘，in堅強的表示，希望明仔載共ECMO機器關掉。經過兩个醫師同意，簽了「拒絕急救同意書」，阮照in的意思共ECMO關起來，紲落來全身軀所有的插管攏挽掉。希望伊現此時當佇天堂做一个快樂的小天使。 　　隔天的會客時間，爸媽帶讀小學的小弟來床邊，向姊姊說再見、放心、好走。雖然心裡多麼捨不得，他們堅強的表示，希望明天把ECMO機器關掉。經過兩位醫師同意，簽了「拒絕急救同意書」，我們照他們的意思把ECMO機器關起來，接著全身插的管子都拔掉。希望他現在正在天堂當一個快樂的小天使。	會客 huē-kheh 𤆬 tshuā 偌 guā 拒絕 kī-tsua̍t 同意書 tông-ì-su 挽 bán 天堂 thian-tông 小天使 sió-thian-sài

先天性心阻斷

過年進前有一工，我的好朋友婦產科醫師揣我去看一个產婦，伊講胎兒的心跳敢若怪怪。產婦進前捌佇別个病院看過超音波，彼陣發現胎兒有心房早期收縮。這是一種良性的狀況，一般袂影響著胎兒的健康。後來這个產婦來阮病院繼續追蹤，超音波一个照著心臟，婦產科醫師就感覺心房佮心室的振動若像毋是協調的。 　　過年前有一天，我的好朋友婦產科醫師找我去看一個產婦，他說胎兒的心跳怪怪的。產婦之前有在別的醫院看過超音波，那時發現胎兒有心房早期收縮。這是一種良性的狀況，一般不會影響胎兒的健康。後來這個產婦來我們醫院繼續追蹤，超音波一看到心臟，婦產科醫師就感覺心房和心室的跳動應該是不協調的。	揣 tshuē 產婦 sán-hū 胎兒 the-jî 敢若 kánn-ná 捌 bat 超音波 tshiau-im-pho 彼陣 hit-tsūn 心房 sim-pâng 收縮 siu-sok 良性 liông-sìng 狀況 tsōng-hóng 追蹤 tui-tsong 心室 sim-sik 振動 tín-tāng 協調 hia̍p-tiau
胎兒佇腹肚內底無法度做心電圖，是欲按怎知影心跳有偌緊？ 　　胎兒在肚子裡沒辦法做心電圖，要怎麼知道心跳有多快？	偌 guā 緊 kín
今仔超音波技術已經足進步，會當共心臟結構看予詳細，嘛有法度區別心房心室。佇螢幕頂懸畫一條線，通過心房佮心室，做一个一維影像，就知影心房心室是毋是有做伙跳。 　　現今超音波技術已經很進步，可以把心臟結構看得很詳細，也有辦法區別心房心室。在螢幕上面畫一條線，通過心房和心室，做一個一維影像，就知道心房心室是不是有一起跳。	技術 ki-su̍t 共 kā 結構 kiat-kòo 予 hōo 詳細 siông-sè 區別 khu-pia̍t 螢幕 îng-bōo 頂懸 tíng-kuân 一維 it-uî 影像 iánn-siōng 做伙 tsò-hué
我斟酌共看一下，心房的收縮是規則的， 但是心室每跳三下就會落一下。意思就是，干焦三分之二的心跳會對心房傳到心室。雖然心跳較慢，猶有一百下，應該猶會得過。佮婦產科醫師鬥陣共產婦解說了，約伊一禮拜以後閣轉來做檢查。 　　我仔細看一下，心房的收縮是規則的，但是心室每跳三下就會漏一下。意思就是，只有三分之二的心跳會從心房傳到心室。雖然心跳比較慢，仍然有一百下，應該還過得去。和婦產科醫師一起跟產婦解說之後，約他一個禮拜以後再回來做檢查。	斟酌 tsim-tsiok 規則 kui-tsik 落 lak 干焦 kan-na 傳 thuân 猶 iáu 會得過 ē-tit-kuè 鬥陣 tàu-tīn 解說 kái-sueh 約 iok 轉來 tńg-lâi
過一禮拜，我閣接著電話矣。婦產科醫師講，囡仔的心跳愈來愈慢，這陣有時仔每兩下就會落一下，心跳上慢會到六七十下。看起來足危險，應該愛破腹緊共生出來。 　　過了一個禮拜，我又接到電話。婦產科醫師說，小孩的心跳愈來愈慢，現在有時候每兩下就會漏一下，心跳最慢會到六七十下。看起來很危險，應該要趕快剖腹把他生出來。	上 siōng 危險 huî-hiám 破腹 phuà-pak
等待開刀前禁食時間就到暗時矣。彼工我原本無值班，為著伊特別留落來。電擊器嘛囥佇病床邊仔咧準備矣。紅嬰仔拄出世，心跳猶一分鐘有九十到百一。但是佇四五下正常的心跳後壁，就會落一下。心臟超音波看起來，結構無問題，毋是先天性心臟病。本來較放心矣，想講會使轉去睏矣。想袂到，過一點鐘以後，心跳愈來愈慢。跳兩下就會停一下，一分鐘干焦賰六十下。 　　等待開刀前禁食的時間就到晚上了。那天我本來沒值班，為了他特別留下來。電擊器也放在病床旁邊等待。新生兒剛生出來，心跳還有每分鐘九十到一百一。但是在四五下正常的心跳之後，就會漏一下。心臟超音波看起來，結構沒問題，不是先天性心臟病。本來比較放心了，想說可以回去睡了。沒想到，過一小時以後，心跳愈來愈慢。跳兩下就會停一下，一分鐘只剩六十下。	等待 tán-thāi 禁食 kìm-tsia̍h 彼工 hit kang 原本 guân-pún 值班 ti̍t-pan 電擊器 tiān-kik-khì 囥 khǹg 紅嬰仔 âng-enn-á 拄 tú 先天性 sian-thian-sìng 放心 hòng-sim 轉去 tńg-khì 賰 tshun
這个心房的訊號無法度傳去心室的狀況，叫做先天性心阻斷。紅嬰仔的心跳比大人緊足濟，一般醒的時陣一分鐘是百四到百六，睏去會較慢，差不多九十到百二。若是一分鐘干焦六十下，送去腦、腰子、腸仔佮全身軀的血就會無夠。嬰仔看起來會足無活力，甚至就死死昏昏去。 　　這個心房的訊號沒辦法傳到心室的狀況，叫做先天性心阻滯。新生兒的心跳比大人快很多，一般醒的時候一分鐘是一百四到一百六，睡著會比較慢，差不多九十到一百二。如果一分鐘只有六十下，送去腦、腎臟、腸子和全身的血就會不夠。嬰兒看起來會非常沒有活力，甚至死氣沉沉。	訊號 sìn-hō 阻斷 tsóo-tn̄g 醒 tshénn 活力 ua̍h-li̍k 甚至 sīm-tsì
三更半暝，欲按怎處理較好？ 　　三更半夜，要怎樣處理比較好？	三更半暝 sann-kenn-puànn-mê
先用藥仔治療試看覓。腎上腺素刺激劑這類藥劑，有予心臟跳較緊的功能。嬰仔的體重足輕，用一支猶傷濟。護理師用射針共一屑屑仔藥仔抽出來，透一寡生理鹽水，用phòng-phù控制流速，對靜脈滴落去，看伊心跳的反應調整劑量。聽著監視器發出滴滴滴心跳的聲音，一分鐘若像一點鐘遐爾仔長。好佳哉，心跳有較緊矣，恢復到九十到一百。我佮值班醫師攏會使小歇睏一下。 　　先用藥物治療試試看。腎上腺素刺激劑這類藥物，有讓心跳加快的功能。嬰兒的體重很輕，用一支還太多。護理師用注射針抽一點點藥出來，泡一些生理食鹽水，用幫浦控制流速，從靜脈滴進去，看他的心跳反應調整劑量。聽到監視器發出滴滴滴心跳的聲音，一分鐘就像一小時那麼長。還好，心跳有比較快了，恢復到九十到一百。我和值班醫師都可以稍微休息一下。	看覓 khuànn-māi 腎上腺素 sin-siōng-suànn-sòo 刺激 tshì-kik 類 luī 藥劑 io̍h-tse 傷 siunn 射針 siā-tsiam 一屑屑仔 tsi̍t-sut-sut-á 透 thàu 生理 sing-lí 流速 liû-sok 靜脈 tsīng-me̍h 滴 tih 監視器 kàm-sī-khì 若像 ná-tshiūnn 遐爾仔 hiah-nī-á 好佳哉 hó-ka-tsài 恢復 khue-ho̍k 歇睏 hioh-khùn
隔工透早，我來病院就先來看伊。暗時值班醫師閣有加懸藥仔的劑量，毋閣心跳猶是不時會落到六七十。按呢看起來，干焦用藥仔注是擋袂牢矣。這款情形，一定愛用人工的方式——就是一个電源——刺激心臟跳。我隨敲電話予心導管室，安排時間做暫時性心臟節律器。 　　隔天一下早，我來醫院就先來看他。晚上值班醫師還有調高藥物的劑量，不過心跳還是不時慢到六七十。這樣看起來，只用藥物是沒辦法的。這種情形，一定要用人工的方式——就是一個電源——刺激心臟跳。我立刻打電話給心導管室，安排時間做暫時性心臟節律器。	隔工 keh-kang 透早 thàu-tsá 劑量 tsè-liōng 不時 put-sî 按呢 án-ne 擋袂牢 tòng-bē-tiâu 人工 jîn-kang 方式 hong-sik 電源 tiān-guân 敲 khà 心導管 sim-tō-kuán 暫時 tsiām-sî 節律器 tsiat-lu̍t-khì
暫時性心臟節律器看起來就是一个細條管仔，上尾溜有兩塊銀色的金屬。對骱邊抑是頷頸仔的血筋插入體內，沿大靜脈踅去心臟內底，兩塊金屬貼佇心臟內壁，就會使共體外電池的訊號傳去心臟，控制心臟跳。 　　暫時性心臟節律器看起來就是一條細管子，最末端有兩塊銀色的金屬。從鼠蹊部或是頸部的血管插入體內，沿大靜脈走到心臟裡，兩塊金屬貼在心臟內壁，就可以把體外電池的訊號傳到心臟，控制心臟跳。	管仔 kóng-á 尾溜 bué-liu 銀色 gîn-sik 金屬 kim-sio̍k 骱邊 kái-pinn 抑是 ia̍h-sī 頷頸仔 ām-kún-á 沿 iân 踅 se̍h
幼嬰仔的血筋足細條，心臟嘛才佮雞卵仝款大爾。就算用超音波定位猶原歹注射，管仔欲斡去正心室的角度嘛真僫掠。拍拚一時仔，大粒汗細粒汗，總算是成功矣。有這个好物仔加持，暫時毋免煩惱心跳的問題。但是，對血筋插入去的物件，毋是完全佇體內，就會有感染的風險。時間傷久，細菌會黏佇管仔頂懸，造成血流感染，閣較䆀，細菌共心臟的瓣膜食去，變做心內膜炎。 　　小嬰兒的血管很小條，心臟也才跟雞蛋一樣大而已。就算用超音波定位仍然很難打，管子要彎到右心室的角度也很拿抓。努力一陣子，滿身大汗，總算成功了。有這個好東西的加持，暫時不用煩惱心跳的問題。但是從血管插入的東西，不是完全在體內，就會有感染的風險。時間太久，細菌會黏在管子上面，造成血流感染，如果更糟，細菌把心臟的瓣膜吃掉，變成心內膜炎。	幼嬰仔 iù-enn-á 爾 niā 猶原 iu-guân 斡 uat 僫 oh 掠 lia̍h 拍拚 phah-piànn 物仔 mih-á 加持 ka-tshî 煩惱 huân-ló 感染 kám-jiám 風險 hong-hiám 細菌 sè-khún 䆀 bái 瓣膜 bān-mo̍oh 內膜炎 lāi-mo̍oh-iām
趁這禮拜觀察伊的心跳變化，佇較穩定的狀況共伊體重飼較大漢。我揣心臟外科醫師討論，若是心跳一直無恢復，需要人工幫助，就愛裝一个永久性的節律器。 　　趁這個禮拜觀察他的心跳變化，在比較穩定的狀況下把他的體重養大。我找心臟外科醫師討論，如果心跳一直沒有恢復，需要人工幫忙，就要裝一個永久性的節律器。	趁 thàn 觀察 kuan-tshat 飼 tshī 幫助 pang-tsōo 裝 tsng 永久 íng-kiú
一般若是大人，節律器無需要心臟外科鬥相共。金屬導線對肩胛頭下跤的鎖骨（胸掛骨）下靜脈插入，行去心臟內。電池差不多五公分，規个埋佇皮下。猶毋過遮爾細漢的囡仔，血筋無偌大條，導線若是囥佇血筋內底，占去血筋的大部份，時間久矣，較會造成血筋窒牢。以後若準導線歹去欲重插，血筋窒牢就無路迵心臟矣。所以佇這款嬰仔佮細漢囡仔，阮攏會拜託心臟外科醫師，自胸坎仔切一个空喙，共導線栓佇心臟表面，電池埋佇腹肚的皮下。 　　一般如果是大人，節律器不需要心臟外科醫師幫忙。金屬導線從肩膀下面的鎖骨下靜脈插入，走到心臟內。電池差不多五公分，整個埋在皮下。不過這麼小的小孩，血管沒多大條，導線如果放在血管裡面，占掉血管的大部分，時間久了，容易造成血管阻塞。以後如果導線壞掉要重插，血管塞住就沒路走到心臟了。所以在這種嬰兒和小小孩，我們都會拜託心臟外科醫師，從胸部切一個傷口，把導線栓在心臟表面，電池埋在肚子的皮下。	鬥相共 tàu-sann-kāng 肩胛頭 king-kah-thâu 下跤 ē-kha 鎖骨下靜脈 só-kut-hā-tsīng-me̍h 胸掛骨 hing-kuà-kut 行 kiânn 規个 kui-ê 埋 tâi 皮下 phuê-hā
過一禮拜外，阮做伙共囡仔的爸母佮厝裡的序大人解說了，in接受動這个手術，手術嘛順利成功。節律器設定佇歇睏時一分鐘一百下，身軀有活動就會調整速度，上緊百五下。等空喙堅疕拆線了，囡仔就順利佇過年前幾工轉去厝內團圓。新年過了佇門診看著，活力誠好，體重有穩定增加，若是無共伊摸腹肚，根本就毋知影伊有紮一粒電池佇身軀頂。 　　過一個多禮拜，我們一起向小孩的父母與家裡的長輩解釋之後，他們接受動這項手術，手術也順利成功。節律器設定在休息時每分鐘一百下，身體有活動時就會調整速度，最快一百五十下。等傷口結疤拆線之後，小孩就順利在過年前幾天回家團圓。新年之後在門診看到，活力很好，體重有穩定增加，如果沒有摸他的肚子，根本就不知道他有帶一顆電池在身上。	猶毋過 iáu-m̄-koh 囥 khǹg 窒牢 that-tiâu 若準 nā-tsún 迵 thàng 空喙 khang-tshuì 栓 sng 序大人 sī-tuā-lâng 堅疕 kian-phí 拆線 thiah-suànn 團圓 thuân-înn 誠好 tsiânn hó 穩定 ún-tīng 紮 tsah